جعلي بينڪ اڪائونٽس ذريعي 15 ارب روپيا پرڏيهه موڪلڻ جو انڪشاف

0
44
Lahore Money Laundering

لاهور (ويب ڊيسڪ) ڪراچي کانپوءِ لاهور ۾ مني لانڊرنگ جو نئون اسڪينڊل سامهون اچي ويو آهي، مختلف جعلي اڪائونٽس ذريعي خانگي بينڪ ذريعي لڳ ڀڳ 15 ارب روپين جي مني لانڊرنگ جو انڪشاف ٿيو آهي.

 رپورٽن موجب هڪ خانگي بينڪ کي استعمال ڪري 15 ارب روپين کان وڌيڪ مني لانڊرنگ ڪئي وئي، بينڪ ذريعي پرڏيهي ملڪن غيرقانوني طريقي سان ادائيگيون ڪيو ويون آهن.

پاڪستان مان مختلف جعلي اڪائونٽس ۽ ڪمپنين ذريعي 110 ملين ڊالر پرڏيهه موڪليا ويا، مبينا مني لانڊرنگ ۾ جعلي ڪمپنين جا لڳ ڀڳ 51 جعلي اڪائونٽس استعمال ٿيا.

ذريعن موجب ايف آءِ اي مني لانڊرنگ اسڪينڊل ۾ ملوث 9 بينڪ ملازمن ۽ ٻن پرائيويٽ ماڻهن کي گرفتار ڪري ورتو آهي.

ايف آءِ اي جي ترجمان موجب معاملي جي جاچ هلندڙ آهي، مبينا بينڪ جا ملازم به ان معاملي ۾ ملوث آهن.

LEAVE A REPLY