پاکستان نیوی کا بحیرہ عرب میں میزائل فائرنگ کا کامیاب مظاہرہ

0
41

اسلام آباد: پاک بحریہ نے شمالی بحیرہ عرب میں میزائل فائرنگ کا کامیاب مظاہرہ کیا ہے۔ وائس چیف آف نیول سٹاف وائس ایڈمرل کلیم شوکت نے میزائل فائرنگ کا مشاہدہ کیا۔

ترجمان پاک بحریہ کے مطابق فاسٹ اٹیک کرافٹ نے سطح سمندر سے زمین پر میزائل فائر کیا۔ مقامی سطح پر تیار کئے گئے میزائل نے اپنے ہدف کو کامیابی سے نشانہ بنایا۔

میزائل سمندر سے سمندر اور سمندر سے زمین پر مار کرنے کی صلاحیت رکھتا ہے۔ یہ تجربہ پاکستان کی جدید اسلحہ سازی کی استعداد اور بحریہ کی آپریشنل صلاحیت کا منہ بولتا ثبوت ہے۔

وائس چیف آف نیول سٹاف نے پاکستان نیوی فلیٹ کی آپریشنل تیاریوں پر اپنے اطمینان کا اظہار کیا۔ وائس ایڈمرل کلیم شوکت نے میزائل سسٹم کے کامیاب تجربہ پر انجینئرز اور ریسرچرز کی خدمات کو سراہا۔

LEAVE A REPLY